ਗੁਰੂਹਰਸਹਾਏ ਵਿਖੇ ਮੱਝਾਂ ਦੇ ਅਹਾਤੇ ਤੋਂ ਮੱਝਾਂ ਚੋਰੀ ਕਰਨ ਆਏ ਚੋਰਾਂ ਵੱਲੋਂ ਤੇਜਧਾਰ ਹਥਿਆਰਾਂ ਨਾਲ ਕਤਲ ਹੋਣ ਵਾਲੇ ਮਲੂਕ ਸਿੰਘ ਦੀ ਲਾਸ਼ ਨੂੰ ਸੜਕ ਤੇ ਰੱਖ ਕੇ ਪੀਡ਼ਤ ਪਰਿਵਾਰ ਅਤੇ ਹੋਰ ਸਮਾਜ ਸੇਵੀਆਂ ਵੱਲੋਂ ਪੁਲੀਸ ਖ਼ਿਲਾਫ਼ ਰੋਸ ਜ਼ਾਹਰ ਕੀਤਾ ਗਿਆ ਅਤੇ ਮਲੂਕ ਸਿੰਘ ਦੇ ਕਾਤਲਾਂ ਨੂੰ ਗ੍ਰਿਫ਼ਤਾਰ ਨਾ ਕਰਨ ਤੱਕ ਪੋਸਟਮਾਰਟਮ ਨਾ ਕਰਵਾਉਣ ਦੀ ਪੁਲਸ ਨੂੰ ਚਿਤਾਵਨੀ ਦਿਤੀ ਗਈ। ਪੀਡ਼ਤ ਪਰਿਵਾਰਾਂ ਅਤੇ ਸੰਗਠਨਾਂ ਦੇ ਆਗੂਆਂ ਦੇ ਗੁੱਸੇ ਨੂੰ ਵੇਖਦੇ ਹੋਏ ਮੌਕੇ ਤੇ ਐਸਪੀਡੀ ਫਿਰੋਜਪੁਰ ਬਲਬੀਰ ਸਿੰਘ ਵੀ ਪੁੱਜੇ ਅਤੇ ਕਾਤਲਾਂ ਨੂੰ ਜਲਦ ਗ੍ਰਿਫਤਾਰ ਕਰਨ ਦਾ ਭਰੋਸਾ ਦੇ ਕੇ ਪੋਸਟਮਾਰਟਮ ਵਾਸਤੇ ਲਾਸ਼ ਲੈਣ ਦੀ ਕੋਸ਼ਿਸ਼ ਕੀਤੀ ਪਰ ਪੀੜਤ ਪਰਿਵਾਰ ਅਤੇ ਉੱਥੇ ਪੁੱਜੇ ਸੰਗਠਨਾਂ ਦੇ ਆਗੂ ਦੇਰ ਸ਼ਾਮ ਤੱਕ ਵੀ ਪਹਿਲਾਂ ਕਾਤਲ ਨੂੰ ਗ੍ਰਿਫਤਾਰ ਕਰਨ ਦੀ ਮੰਗ ਨੂੰ ਲੈ ਕੇ ਅੜੇ ਰਹੇ ਅਤੇ ਪੁਲੀਸ ਨੂੰ ਪੋਸਟਮਾਰਟਮ ਵਾਸਤੇ ਲਾਸ਼ ਨਹੀਂ ਦਿੱਤੀ ।
