26 ਜਨਵਰੀ ਨੂੰ ਲਾਲ ਕਿਲ੍ਹੇ ਤੇ ਝੰਡੇ ਦੀ ਘਟਨਾ ਤੋਂ ਬਾਅਦ ਜਿੱਥੇ ਚਰਚਾ ਵਿਚ ਆਏ ਜਗਰਾਜ ਸਿੰਘ ਵਾਂ ਤਾਰਾ ਸਿੰਘ ਦੇ ਘਰ ਅੱਜ ਪੱਤਰਕਾਰਾਂ ਦੀ ਟੀਮ ਪਹੁੰਚੀ ਤਾਂ ਉਥੇ ਜਗਰਾਜ ਸਿੰਘ ਦੀ ਮਾਸੀ ਅਤੇ ਪਿਤਾ ਬਲਦੇਵ ਸਿੰਘ ਦਾ ਰੋ ਰੋ ਕੇ ਬੁਰਾ ਹਾਲ ਸੀ ਜਿਨ੍ਹਾਂ ਦਾ ਕਹਿਣਾ ਸੀ ਕਿ ਸਾਡਾ ਬੇਟਾ ਜਗਰਾਜ ਸਿੰਘ ਛੱਬੀ ਜਨਵਰੀ ਨੂੰ ਝੰਡਾ ਲਹਿਰਾ ਕੇ ਜਿੱਥੇ ਇਸ ਮੁਸੀਬਤ ਵਿੱਚ ਫਸ ਗਿਆ ਉੱਥੇ ਹੁਣ ਸਾਡਾ ਇਕੱਲਾ ਚਰਾਗ ਪਤਾ ਨ੍ਹੀਂ ਕਿੱਥੇ ਹੋਏਗਾ ੳੁਨ੍ਹਾਂ ਕੈਮਰੇ ਸਾਹਮਣੇ ਰੋ ਰੋ ਕੇ ਅਪੀਲ ਕੀਤੀ ਕਿ ਸਾਡੇ ਜਗਰਾਜ ਸਿੰਘ ਨੂੰ ਇੱਕ ਵਾਰ ਸਾਡੇ ਨਾਲ ਮਿਲਾਇਆ ਜਾਵੇ ਪਿੰਡ ਵਾਸੀਆਂ ਵੀ ਆਪਣੀਆਂ ਅੱਖਾਂ ਵਿੱਚ ਹੰਝੂ ਲੈਂਦੇ ਹੋਏ ਦੱਸਿਆ ਕਿ ਯੁਵਰਾਜ ਸਿੰਘ ਦਾ ਕੋਈ ਥਹੁ ਪਤਾ ਨਹੀਂ ਹੈ ਕਿ ਉਹ ਕਿੱਥੇ ਹੈ ਤੇ ਕਿਸ ਹਾਲਤ ਦੇ ਵਿੱਚ ਹੈ ਸੋ ਸਾਡੀ ਸਰਕਾਰ ਅਤੇ ਜਥੇਬੰਦੀਆਂ ਅੱਗੇ ਹੱਥ ਜੋੜ ਕੇ ਅਪੀਲ ਹੈ ਕੇ ਸਾਡੇ ਜਗਰਾਜ ਨੂੰ ਇੱਕ ਵਾਰ ਸਾਡੇ ਮੱਥੇ ਜ਼ਰੂਰ ਲਗਾਇਆ ਜਾਵੇ । ਇੱਥੇ ਪਰਿਵਾਰ ਨੇ ਇਹ ਵੀ ਸਪੱਸ਼ਟ ਕੀਤਾ ਕਿ ਲੋਕ ਕਹਿੰਦੇ ਸਨ ਝੰਡਾ ਚੜ੍ਹਾਉਣ ਨਾਲ ਜਗਰਾਜ ਨੂੰ ਬਾਹਰੋਂ ਪੈਸੇ ਮਿਲਣੇ ਹਨ ਪਰ ਇਹੋ ਜਿਹੀ ਉਸ ਦੀ ਕੋਈ ਮਨਸ਼ਾ ਨਹੀਂ ਸੀ ਤੇ ਨਾ ਹੀ ਸਾਨੂੰ ਕੋਈ ਲਾਲਚ ਸੀ ਉਨ੍ਹਾਂ ਕਿਹਾ ਕਿ ਸਾਡੇ ਕੋਲ ਹੁਣ ਚਾਹ ਪੱਤੀ ਜੋਗੇ ਅਤੇ ਖੰਡ ਜੋਗੇ ਪੈਸੇ ਵੀ ਨਹੀਂ ਹਨ ਉਹ ਵੀ ਸਾਨੂੰ ਆਂਢ ਗੁਆਂਢ ਤੋਂ ਲੋਕ ਦੇ ਕੇ ਜਾ ਰਹੇ ਹਨ
ਇਸ ਮੌਕੇ ਪਿੰਡ ਵਾਸੀਆਂ ਅਤੇ ਪਰਿਵਾਰ ਨੇ ਕੀ ਕਿਹਾ ਤੁਸੀਂ ਆਪ ਸੁਣੋ।
ਤਰਨਤਾਰਨ ਤੋਂ ਕੈਮਰਾਮੈਨ ਲਖਵਿੰਦਰ ਸਿੰਘ ਗੋਲਣ ਨਾਲ ਰਿੰਪਲ ਗੋਲਣ ਦੀ ਵਿਸ਼ੇਸ਼ ਰਿਪੋਰਟ
