ਕਿਸਾਨੀ ਸੰਘਰਸ਼ ਦੌਰਾਨ ਪਤਨੀ ਦੀ ਮੌਤ ਹੋਣ ਤੋਂ ਬਾਅਦ ਅੰਤਿਮ ਰਸਮਾਂ ਨਿਭਾ ਕਿਸਾਨ ਹਰਦੇਵ ਸਿੰਘ ਨੇ ਫਿੱਰ ਪਏ ਦਿੱਲੀ ਸੰਘਰਸ਼

0
245

ਖੇਤੀ ਕਾਨੂੰਨਾਂ ਨੂੰ ਰੱਦ ਕਰਵਾਉਣ ਲਈ ਕਿਸਾਨ ਵੱਡੀ ਗਿਣਤੀ ਵਿੱਚ ਦਿੱਲੀ ਸ਼ੰਘਰਸ਼ ਉਤੇ ਡਟੇ ਹੋਏ ਹਨ ਅਤੇ ਇਸ ਕਿਸਾਨੀ ਸੰਘਰਸ਼ ਦੌਰਾਨ ਹੁਣ ਤੱਕ ਕਈ ਕਿਸਾਨਾਂ ਦੀ ਸ਼ਹਾਦਤ ਵੀ ਹੋ ਚੁਕੀ ਹੈ ਅਤੇ ਕਈ ਕਿਸਾਨਾਂ ਦੇ ਪਰਿਵਾਰਕ ਮੈਬਰਾਂ ਦੀ ਮੌਤ ਵੀ ਹੋਈ ਹੈ ਲੇਕਿਨ ਇਸ ਦੇ ਬਾਵਜੂਦ ਵੀ ਕਿਸਾਨ ਸ਼ੰਘਰਸ਼ ਨੂੰ ਪਹਿਲ ਦੇ ਰਹੇ ਹਨ ਅਜਿਹਾ ਹੀ ਇਕ ਕਿਸਾਨ ਪਰਿਵਾਰ ਗੁਰਦਾਸਪੁਰ ਦੇ ਪਿੰਡ ਚਿੱਟੀ ਦਾ ਰਹਿਣ ਵਾਲਾ ਹੈ ਕਿਸਾਨ ਹਰਦੇਵ ਸਿੰਘ ਚਿੱਟੀ ਸ਼ੁਰੂ ਤੋਂ ਹੀ ਕਿਸਾਨੀ ਸ਼ੰਘਰਸ਼ ਵਿੱਚ ਡਟਿਆ ਹੋਇਆ ਹੈ ਕਿਸਾਨੀ ਸੰਘਰਸ਼ ਦੌਰਾਨ ਹੀ ਉਸਦੀ ਪਤਨੀ ਦੀ ਮੌਤ ਹੋ ਜਾਣ ਤੋਂ ਬਾਅਦ ਘਰ ਵਿੱਚ ਅੰਤਿਮ ਰਸਮਾਂ ਨੂੰ ਨਿਬਾਉਂਦੇ ਹੋਏ ਅੱਜ ਆਪਣੇ ਬੱਚਿਆਂ ਨੂੰ ਅਤੇ ਆਪਣੀ ਬਜ਼ੁਰਗ ਮਾਤਾ ਨੂੰ ਘਰ ਵਿੱਚ ਇਕੱਲਿਆ ਛੱਡ ਇਕ ਵਾਰ ਫਿਰ ਦਿੱਲੀ ਕਿਸਾਨੀ ਸ਼ੰਘਰਸ਼ ਵਿਚ ਜਾਣ ਦੀ ਤਿਆਰੀ ਖਿੱਚ ਲਈ ਹੈ ਕਿਸਾਨ ਹਰਦੇਵ ਸਿੰਘ ਦਾ ਕਹਿਣਾ ਹੈ ਕਿ ਇਹ ਲੜਾਈ ਉਸਦੇ ਪਰਿਵਾਰ ਨਾਲੋਂ ਵੱਧ ਜਰੂਰੀ ਹੈ ਇਹ ਲੜਾਈ ਪੂਰੇ ਪੰਜਾਬ ਦੀ ਹੋਂਦ ਦੀ ਹੈ

ਸਾਡੀ ਟਿਮ ਨੇ ਕਿਸਾਨ ਹਰਦੇਵ ਸਿੰਘ ਚਿੱਟੀ ਅਤੇ ਉਸਦੇ ਪਰਿਵਾਰ ਨਾਲ ਖ਼ਾਸ ਗੱਲਬਾਤ ਕੀਤੀ ਇਸ ਮੌਕੇ ਕਿਸਾਨ ਹਰਦੇਵ ਸਿੰਘ ਨੇ ਕਿਹਾ ਕਿ ਜਦੋ ਤੋਂ ਕਿਸਾਨੀ ਸ਼ੰਘਰਸ਼ ਸ਼ੁਰੂ ਹੋਇਆ ਹੈ ਉਦੋਂ ਤੋਂ ਉਹ ਸੰਘਰਸ਼ ਦੇ ਨਾਲ ਹਨ 25 ਨਵੰਬਰ ਨੂੰ ਜਦੋਂ ਉਹ ਸਿੰਘੁ ਬਾਰਡਰ ਤੇ ਡਟੇ ਹੋਏ ਸਨ ਉਦੋਂ ਸ਼ਾਮ ਨੂੰ ਹੀ ਉਹਨਾਂ ਨੂੰ ਫੋਨ ਆਇਆ ਕਿ ਉਸਦੀ ਧਰਮ ਪਤਨੀ ਪਰਮਜੀਤ ਕੌਰ ਦੀ ਮੌਤ ਹੋ ਗਈ ਹੈ ਉਸ ਸਮੇ ਵਾਪਿਸ ਆਉਣਾ ਬਹੁਤ ਔਖਾ ਸੀ ਲੇਕਿਨ ਫਿਰ ਜਥੇਬੰਦੀਆਂ ਦੇ ਆਗੂਆਂ ਤੋਂ ਮੰਜੂਰੀ ਲੈ ਕੇ ਉਹ ਪਿੰਡ ਵਾਪਿਸ ਆ ਗਏ ਅਤੇ ਆਪਣੇ ਫਰਜ਼ ਅਤੇ ਅੰਤਿਮ ਰਸਮਾਂ ਨੂੰ ਨਿਭਾ ਕੇ ਉਹ ਫਿਰ ਇਕ ਵਾਰ ਦਿੱਲੀ ਸੰਘਰਸ਼ ਲਈ ਜਾ ਰਹੇ ਹਨ ਉਹਨਾਂ ਨੇ ਕਿਹਾ ਕਿ ਬੱਚਿਆਂ ਨੇ ਉਹਨਾਂ ਨੂੰ ਰੋਕਿਆ ਕਿ ਨਾ ਜਾਵੋ ਪਰ ਉਹਨਾਂ ਨੇ ਬੱਚਿਆਂ ਨੂੰ ਸਮਝਾਇਆ ਕਿ ਇਹ ਲੜਾਈ ਕਿਸੇ ਇਕ ਦੀ ਨਹੀਂ ਹੈ ਪੂਰੇ ਪੰਜਾਬ ਦੀ ਹੋਂਦ ਦੀ ਹੈ ਇਸ ਲਈ ਉਹਨਾਂ ਨੂੰ ਜਾਣਾ ਪੈਣਾ ਹੈ ਇਸ ਲਈ ਹੁਣ ਬੱਚੇ ਮਨ ਗਏ ਹਨ ਅਤੇ ਉਹ ਦਿੱਲੀ ਸ਼ੰਘਰਸ਼ ਲਈ ਜਾ ਰਿਹਾ ਹੈ ਦੂਜੇ ਪਾਸੇ ਕਿਸਾਨ ਦੀ ਬੇਟੀ ਨੇ ਕਿਹਾ ਕਿ ਮਾਂ ਦੀ ਮੌਤ ਤੋਂ ਬਾਅਦ ਉਹਨਾਂ ਦੇ ਪਿਤਾ ਕਾਫੀ ਟੁੱਟ ਚੁੱਕੇ ਸਨ ਅਤੇ ਉਹਨਾਂ ਦੇ ਪਿਤਾ ਕਾਫੀ ਬਿਮਾਰ ਹੋ ਗਏ ਸਨ ਲੇਕਿਨ ਹੁਣ ਠੀਕ ਹੋ ਚੁਕੇ ਹਨ ਅਤੇ ਅਸੀਂ ਖੁਦ ਉਹਨਾਂ ਨੂੰ ਦਿੱਲੀ ਸੰਘਰਸ਼ ਵਿੱਚ ਭੇਜ ਰਹੇ ਹਾਂ ਅਤੇ ਕਿਹਾ ਹੈ ਕਿ ਖੇਤੀ ਕਾਨੂੰਨ ਰੱਦ ਕਰਵਾ ਕੇ ਹੀ ਵਾਪਿਸ ਆਉਣ ਮਗਰੋਂ ਅਸੀਂ ਸਾਰੇ ਕੰਮ ਆਪੇ ਕਰ ਲਵਾਂਗੇ